أسئلة شائعة عن ذِمّة
ذِمّة إيه؟
ذِمّة (Zimmah) منصة مصرية مستقلة لتوثيق ملكية الموبايل والتابلت: فحص مجاني بالـ IMEI قبل الشراء، وتسجيل الجهاز باسمك، ونقل الملكية لما تبيع، وبلاغ فقدان أو سرقة بيجمّد الجهاز. الموقع الرسمي الوحيد: citizen.zimmah.com.eg.
ذِمّة جهة حكومية؟
لا. ذِمّة مشروع تقني مستقل من شركة ذِمّة للتحوّل الرقمي ونظم المعلومات، تنفيذ وتطوير Meta Software، ومرخّصة من هيئة تنمية صناعة تكنولوجيا المعلومات (ITIDA).
إزاي أعرف إن الموبايل المستعمل مسروق؟
اكتب الـ IMEI أو الرقم التسلسلي في صفحة الفحص على ذِمّة، وهتعرف في ثواني إذا كان الجهاز مُبلَّغ عنه. الفحص مجاني ومن غير حساب، ومابيظهرش أي بيانات عن صاحب الجهاز.
إزاي أعرف رقم الـ IMEI؟
اطلب *#06# من شاشة الاتصال، أو من الإعدادات ← حول الهاتف، أو من على العلبة. اكتب الرقم من الجهاز نفسه، مش من ورقة البائع.
موبايلي اتسرق أعمل إيه؟
أمّن حساباتك، وأوقف الشريحة، واعمل محضر في القسم برقم الـ IMEI، وقدّم طلب «تتبع هاتف» من موقع النيابة العامة. لو الجهاز مسجّل على ذِمّة، بلّغ من حسابك مجانًا والجهاز يتجمّد فورًا. البلاغ على ذِمّة مش بديل عن المحضر.
إزاي أنقل ملكية موبايلي لما أبيعه؟
المشتري يعمل حساب ويوثّق هويته، والبائع يختار «نقل ملكية» ويكتب رقم المشتري، والمشتري يمسح الكود. الملكية بتنتقل في نفس اللحظة بتوقيت مختوم. الرسوم 50 جنيه على البائع.
شهادة ذِمّة إيه وبكام؟
شهادة بتثبت إن الجهاز مسجّل باسمك ومش مُبلَّغ عنه، تقدر تقدّمها لما تبيع. سعرها 110 جنيه.
تسجيل الموبايل على ذِمّة محتاج فاتورة؟
لا. التسجيل مجاني، من غير حد أقصى للأجهزة، والفاتورة مش شرط.
إيه الفرق بين ذِمّة وتليفوني؟
تليفوني (الجهاز القومي لتنظيم الاتصالات) للتسجيل على الشبكات والجمارك. ذِمّة للملكية والبلاغات: الجهاز بتاع مين، ومُبلَّغ عنه ولا لأ.